Туриннинг "Ювентус" клуби мураббийи Лучано Спаллетти Чемпионлар лигасида Лиссабоннинг "Спортинг" жамоасига қарши ўйинда (1:1) ғалаба қозона олмади. Учрашувнинг 12-дақиқасида "Ювентус" дарвозаси ишғол қилинди, бироқ 34-дақиқада Душан Влахович ҳисобни тенглаштирди.
Бироқ қолган вақтда мухлислар бошқа голларни томоша қила олишмади. Спаллетти Чемпионлар лигасида Италия клубларининг юқори суръатга мослаша олмаслиги билан боғлиқ муаммолар ҳақида ўз фикрларини билдирди.
"Тўпни тез ҳаракатлантириш катта фарқни келтириб чиқаради, лекин бу ягона омил эмас. Баъзан рақибнинг зич ҳимоясини ёриб ўтиш керак, баъзан эса қарши ҳужумни иложи борича тезроқ якунлаш зарур.
Муҳими – ўйинни ҳис қилишдир. Ҳозирда барча қандай қилиб прессинг қилишни ёки ҳимояланишни билади, лекин қачон ва қандай усулни қўллаш мақсадга мувофиқ эканлигини англаш жуда муҳим", – деди 66 ёшли мутахассис Sky Sportга берган интервьюсида.
Эслатиб ўтамиз, Лучано Спаллетти яқинда истеъфога чиқарилган Игор Тудорни ўрнини эгаллаган эди.
