Барселона ҳужумчиси Ламин Ямалнинг Испания терма жамоасига чақирилиши ҳақида маълумот пайдо бўлди. Diario SPORT нашрининг хабарига кўра, Ямалнинг Испания терма жамоасига чақирилиши бугун Барселонанинг Брюггега қарши ўйинида майдонга тушиш-тушмаслигига боғлиқ бўлади.
Агар у майдонга тушса, миллий терма жамоа бош мураббийи Луис де ла Фуэнте уни таркибга қўшади. Чунки мураббий, агар ўйинчи Реалга қарши баҳсларда ва Чемпионлар лигаси ўйинларида қатнашишга тайёр бўлса, у ЖЧ саралаш учрашувларида Испанияни ҳимоя қилишга ҳам тайёр, деб ҳисобламоқда.
Жорий мавсумда 18 ёшли Ямал барча мусобақаларда 9 та ўйин ўтказиб, 4 та гол урди ва 5 та голли узатмани амалга оширди. Чемпионлар лигаси тўртинчи туридан ўрин олган Брюгге ва Барселона ўйини Москва вақти билан соат 23:00 да бошланади.
