Кутилганидек, "Арсенал" ҳужумчиси Виктор Дьёкереш ноябрь ойидаги ўйинлар учун Швеция терма жамоасига чақирилмаган. Бунга унинг яқинда АПЛ доирасида "Бёрнли"га қарши ўйинда олган жароҳати сабаб бўлди.
Эслатиб ўтамиз, Дьёкереш ўша ўйиннинг танаффусида майдонни тарк этган эди. Швеция терма жамоасининг гуруҳда иккинчи ўрин учун курашиш имконияти ҳали жуда кичик бўлса-да, мавжуд.
Бунинг учун улар Швейцария меҳмони сифатида ҳамда Словения билан ўз уйида ғалаба қозониши ва бошқа натижаларга умид қилиши керак бўлади. Аввалроқ манбалар Дьёкерешнинг "Арсенал" сафида қачон яна ўйнашни бошлаши мумкинлиги ҳақида маълумот берган эди.
Шунингдек, "канонирлар"нинг яна бир жароҳат олган футболчиси Габриэл Мартинелли ҳақида ҳам хабарлар тарқалган. Мартинелли бироз олдинроқ, аввалги дам олиш кунларида жароҳат олган эди.
