Барселона ярим ҳимоячиси Фермин Лопес Чемпионлар лигасидаги "Брюгге"га қарши кечган учрашув (3:3) бўйича фикр билдирди. Бельгия клуби уч марта ҳисобда олдинга чиқди, аммо каталонияликлар ҳар сафар ҳисобни тенглаштиришга муваффақ бўлишди.
Барселона зарбалар сони ва тўпга эгалик қилиш бўйича рақибидан анча устун бўлса ҳам, ғалабани қўлга кирита олмади. "Сўнгги вақтларда биз жуда кўп гол ўтказиб юбораяпмиз.
Бу муаммо деярли ҳар бир ўйинимизда намоён бўлмоқда. "Брюгге" учта аниқ имконият яратди ва учтасини ҳам голга айлантирди.
Биз охиригача курашдик, лекин афсуски, фақат дуранг билан кифояландик. Воқеаларни таҳлил қилишимиз керак.
Футболда ҳар нарса бўлиши мумкин, аммо биз ўз устида ишлашни давом эттиришимиз зарур", – дейди Фермин Лопес Barca Universal нашрига берган интервьюсида. Якшанба куни "кўк-анорранглилар" Ла Лигада сафарда "Сельта"га қарши майдонга тушади.
