"Манчестер Сити" ҳужумчиси Фил Фоден Чемпионлар Лигаси асосий босқичидаги Дортмунднинг "Боруссия" клубига қарши ўйиндан сўнг ўз ҳис-туйғулари билан ўртоқлашди. Эслатиб ўтамиз, "шаҳарликлар" ўз майдонида рақибни 4:1 ҳисобига мағлубиятга учратишди.
"Ажойиб ҳис-туйғулар. Мен ҳар доим юзимда табассум билан ўйнашим керак, айнан шундай қиляпман. Ўтган йил қийинроқ ўтди, нафақат мен учун, балки ҳаммамиз учун. Бу мавсумда биз яна бирлашдик ва бу сезилмоқда," - деди футболчининг сўзларини УЕФА матбуот хизмати келтиради.
Фоденнинг фикрича, "асаларилар" "Сити"га қийинчиликлар туғдиришга муваффақ бўлишди, аммо Хосеп Гвардиола жамоаси уларни енгиб ўтди. Фил Фоден биринчи бўлимдаёқ дубл қайд этди. Шунингдек, Эрлинг Ҳоланд ва Райан Шерки ҳам биттадан гол урди.
