Романо: Ван Дейк "Реал"га ўтишни хоҳламаган
Фабрицио Романонинг айтишича, Виржил ван Дейк ёзги трансфер мавсумида Мадриднинг "Реал" клубига ўтишни хоҳламаган. 34 ёшли ҳимоячи "Ливерпул" лойиҳасининг муҳим қисми эканини ҳисоблайди ва клуб билан янги шартнома имзолашга доим қизиқиш билдирган. Ван Дейк 2018 йилнинг январ ойидан бери "Ливерпул" сафида ўйнаб келмоқда, унинг амалдаги шартномаси 2026/2027 йилги мавсум охирида якунланади.
Футбол инсайдери Фабрицио Романо "Ливерпул" ҳимоячиси Виржил ван Дейкнинг Мадриднинг "Реал" клубига ўтиши ҳақидаги миш-мишларга муносабат билдирди. "Испанияда ван Дейк ёзги трансфер мавсумида "Реал"га қўшилишни хоҳлагани ҳақида хабарлар тарқалди.
Аммо мен биламанки, у "Ливерпул"ни тарк этмоқчи эмас эди. Виржил ўзини клуб лойиҳасининг муҳим қисми деб ҳисоблайди.
У ҳар доим "қизиллар" билан янги шартнома имзолашга қизиқиш билдирган", деди инсайдернинг сўзларини Team Talk нашри келтиради. 34 ёшли ҳимоячи 2018 йилнинг январ ойидан бери "Ливерпул" шарафини ҳимоя қилиб келмоқда.
Унинг жорий шартномаси 2026/2027 йилги мавсум охирида якунланади.
Изоҳлар 0
…