"Кристал Пэлас" жамоасининг декабр ойидаги жадвали жуда тиғиз: 18 декабр куни Конференциялар лигаси доирасида "КуПС"га қарши ўйин, 21 декабр куни Премьер-лигада "Лидс"га қарши баҳс ва 23 декабрда Лига кубоги учрашувида "Арсенал"га қарши ўйин режалаштирилган.
"Кристал Пэлас" ва "Арсенал" клублари Англия Премьер-лигасига мурожаат қилиб, мос равишда "Лидс" ва "Эвертон"га қарши ўйинларини 21 декабрдан 20 декабрга кўчиришни сўрашган.
Шу билан бирга, "Кристал Пэлас" УЕФАга 18 декабр куни бўлиб ўтадиган "КуПС"га қарши ўйинни 17 декабрга кўчириш таклифи билан мурожаат қилган. Бироқ, Mirror нашрининг хабарига кўра, УЕФА "Кристал Пэлас"нинг сўровини рад этди, чунки Конференциялар лигасининг гуруҳ босқичидаги сўнгги тур ўйинлари бир вақтнинг ўзида ўтказилиши шарт.
Шу билан бирга, Англия футбол лигаси манбалари Рождество байрами эътиборга олиниб, 23 декабрга белгиланган "Арсенал" ва "Кристал Пэлас" ўртасидаги Лига кубоги ўйинини олдинга суриш эҳтимоли камлигини билдирмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
