Португалия миллий терма жамоаси бош мураббийи Роберто Мартинес "Ал-Наср" ҳужумчиси Криштиану Роналдунинг терма жамоадаги ўйини бўйича фикр билдирди.
"Биз ҳаммамиз унинг футболга бўлган муҳаббатини ва Португалия терма жамоаси либосини кийиш унга қандай маъно беришини тушунамиз. У барчага ўрнак. Роналду - ноёб футболчи, ўз мамлакати учун 200 та ўйин ўтказган бошқа ҳеч бир футболчи йўқ", - деди Мартинес "A Bola" нашрига берган интервьюсида.
Криштиану Роналду Португалия миллий терма жамоаси сафида 225 та ўйинда майдонга тушиб, 143 та гол урган ва 46 та голли узатмани амалга оширган. 40 ёшли футболчи миллий терма жамоа билан Европа чемпионати ва икки марта Миллатлар лигаси ғолиблигини қўлга киритган.
Ноябрь ойидаги терма жамоалар ўйинлари оралиғида Португалия Ирландия ва Арманистонга қарши майдонга тушади.
