Италия чемпионатининг ўн биринчи тур ўйинлари давом этмоқда. "Милан" жамоаси Парма шаҳрида ўтган учрашувда ғалабасини сақлаб қололмади.
Массимилиано Аллегри бошчилигидаги жамоа дастлабки дақиқаларда икки гол уриб, устунликни қўлга киритган бўлса-да, якунда бу ўйинда бир очко билан кифояланди. Ушбу натижага собиқ италиялик ҳужумчи Лука Тони изоҳ берди.
"Милан" аҳмоқона гол ўтказиб юборди, бундай хатоларни қилиш мумкин эмас. "Парма" бу дурангга лойиқ эди, аммо "Милан" ўз устунлигини қайтараб олиши керак эди.
Бунинг учун етарлича имкониятлар бор эди", - деди Тони pianetamilan.it сайтига берган интервьюсида. "Милан" вақтинчалик Италия чемпионати жадвалида биринчи ўринга кўтарилди, аммо унинг рақиблари ҳали якшанба куни ўйинларини ўтказишлари керак.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
