Барселона ҳужумчиси Роберт Левандовски Сельтага қарши ўйиндан (4:2) сўнг журналистлар билан суҳбатлашди. 37 ёшли польшалик футболчи учрашув қаҳрамони бўлди ва учта гол уриш орқали ўз жамоасининг ғалабасига катта ҳисса қўшди.
Бу табиий равишда уни учрашувнинг энг яхши футболчиси сифатида эътироф этилишига сабаб бўлди. "Биз ғалабадан жуда мамнунмиз.
Сельтанинг стадионида ўйнаш ҳар доим мураккаб бўлади. Биринчи бўлимда рақибларга икки осон гол уришга имкон бердик, аммо танаффусдан сўнг вазиятни назоратга олдик.
Иккинчи бўлимда мураббий Флик мендан алмаштиришни хоҳлаш-хоҳламаслигимни сўради, аммо мен ўзимни яхши ҳис қилаётганимни айтдим. Яқиндагина жароҳатдан тузалдим ва ҳозирда ўзимни аъло даражада ҳис қиляпман", – деди "кўк-анорранглилар" ҳужумчиси Левандовски Barca Universal нашрига берган интервьюсида.
Левандовскининг жорий Ла Лига мавсумида ҳисобида 7 та гол бор, бу кўрсаткич бўйича фақат Килиан Мбаппе ундан ўзиб кетган – француз футболчиси 13 та голга муаллифлик қилган.
