Барселона Ла Лиганинг 12-турида Сельтага қарши ўйинда 4:2 ҳисобида ғалаба қозонди. Мазкур учрашув якшанба куни бўлиб ўтди.
Каталонияликлар биринчи бўлимда бироз қийинчиликка дуч келишди, аммо танаввус олдидан Ламмин Ямал ўз жамоасини олдинга олиб чиқиб, ҳисобни 3:2 кўринишида ўзгартирди. Иккинчи бўлимда эса Роберт Левандовски учинчи голини киритиб, ўйиннинг якуний натижасини белгилади.
"Танаввусда Флик бизга шундай деди: "Хотиржам бўлинг, хотиржам бўлинг. Нима қилаётганингизга ишонишда давом этинг, чунки ҳаммаси тўғри йўлда.
Ўз ғоямизга амал қилишимиз, ўз устида ишлашимиз ва янада яхшироқ бўлишга интилишимиз керак", – деди Барселона ярим ҳимоячиси Дани Ольмо ўйин тугаганидан кейин берган интервьюсида. Ушбу ғалаба эвазига Барселона Ла Лига жадвалида 28 очко билан иккинчи ўринни эгаллаб турибди.
Мадриднинг Реал жамоасидан уч очко орқада қолмоқда.
