Барселона бош мураббийи Ханси Флик Роберт Левандовскининг мавсум якунида жамоани тарк этиши ҳақидаги хабарларни тасдиқлади. Полшалик ҳужумчи Каталония клубидаги тўрт йиллик фаолиятини якунлашга қарор қилди. Флик ўз шогирдининг қарорини ҳурмат қилишини ва бу ўзгариш ҳам футболчи, ҳам клуб учун фойдали эканлигини таъкидлади. Бу ҳақда Goal.com хабар беради.
Ханси Флик ва Роберт Левандовски аввалроқ Бавария сафида ҳам бирга ишлашган. Мураббий ўз интервюсида: "Мен у билан барча совринларни қўлга киритганман. У билан ишлаш шараф эди, у чинакам профессионал ва ёш футболчилар учун намуна. У энди янги чақириқларни истамоқда ва биз унинг қарорини тўлиқ қўллаб-қувватлаймиз", – дея ўз фикрларини билдирди.
Роберт Левандовски Барселона сафида ўтказган тўрт мавсум давомида 191 та ўйинда майдонга тушиб, 119 та гол уришга муваффақ бўлди. У жамоа билан Ла Лига чемпионлиги ва Испания Суперкубоги каби муҳим совринларни қўлга киритди. Айниқса, 2024-25 йилги мавсумдаги 42 та голи унинг клуб тарихидаги ўрнини мустаҳкамлади.
Ханси Флик ҳужумчининг ўрнини тўлдириш осон бўлмаслигини тан олди. "Роберт даражасидаги футболчини топиш қийин, аммо биз таркибни янгилашимиз керак. Трансфер бозорида вариантларни кўриб чиқамиз, бизда бунинг учун етарли вақт бор", – деди мураббий. Левандовски ўзининг сўнгги ўйинларида асосий таркибда майдонга тушиши кутилмоқда.
“Zamin”ни Telegram'да ўқинг!
