"Тоттенхэм" "Реал Сосьедад"нинг ҳужумкор ярим ҳимоячиси Такефуса Кубони трансфер қилишга қизиқиш билдирмоқда. 24 ёшли футболчининг трансфери лондонликлар учун 60 миллион еврога тушиши мумкин.
Defensa Central'нинг хабарига кўра, агар бу трансфер амалга ошса, Мадриднинг "Реал" клуби ушбу сумманинг ярмини, яъни 30 миллион евро ишлаб олади. Чунки 2022 йилда япон футболчисини сотганида, "қироллик клуби" келишувга келгусида футболчини қайта сотишдан 50% улуш олиш ҳуқуқини қўшган эди.
Жорий мавсумда Такефуса Кубо "Реал Сосьедад" таркибида ўнта ўйинда майдонга тушиб, бир марта гол уришга муваффақ бўлди. Бунгача футболчига Лондоннинг "Арсенал", "Эвертон", Мадриднинг "Атлетико", "Милан" ва бошқа кўплаб клублар қизиқиш билдиргани ҳақида хабарлар тарқалган эди.
