Ханс Фликнинг "Барселона"даги фаолияти ортидан қалин соялар тушмоқда. Клубда 18 ёшли истеъдод эгаси Ламин Ямал билан боғлиқ вазият тобора мураккаблашмоқда.
Германиялик мураббийнинг асосий мақсади жамоавий интизомни тиклаш бўлса-да, раҳбариятнинг Ямалга берган ҳаддан ташқари эркинлиги Фликни қаттиқ хавотирга солмоқда. Ўтган мавсумдаги ёрқин ўйинларига қарамай, Ямалнинг хатти-ҳаракатлари танқидларга сабаб бўлмоқда.
"Барселона"нинг ички манбалари хабар беришича, ёш футболчи ўзини ортиқча эркин тутмоқда. Жамоанинг "Эл-Класико"даги мағлубиятидан кейин Ямалнинг Милан шаҳрига учиб кетгани ва бошқа ўйинчилардан фарқли ўлароқ, озиқ-овқатни ўзи олиб келмаётгани мураббийнинг норозилигига сабаб бўлган.
Бундан ташқари, у клубнинг ички қоидаларига зид равишда электр транспорт воситаларидан фойдаланишни одат қилган. Раҳбарият эса Ямалнинг бу каби хатти-ҳаракатларини ёш истеъдод эгаси учун стрессни камайтиради деб ҳисоблайди.
Ханс Флик эса жамоавий муваффақият учун бундай ёндашувни зарарли деб билади. AS нашрининг таъкидлашича, Флик ўз позициясини бир неча бор раҳбариятга етказган, аммо натижа кўринмаяпти.
Германиялик мураббий Ямални жамоавий натижалар учун зарур бўлган интизомга риоя қилишга чақирмоқда, аммо раҳбарият буни қўллаб-қувватлашга шошилмаяпти. Фликнинг жамоа ичидаги норозилиги кучаймоқда.
Ламин Ямал жорий мавсумда ўтган йилги даражада ёрқин ўйин кўрсата олмаяпти, унинг жароҳатлари ва бошқа мажбуриятлари сабабли жамоага етарли фойда келтира олмаяпти. Шунингдек, ёш футболчининг шахсий ҳаёти ва кўнгилочар тадбирларга ҳаддан ташқари кўп эътибор қаратaётгани ҳам мураббийни ташвишга солмоқда.
"Барселона" раҳбарияти мураббийни қўллаб-қувватлаш ва интизомни тиклаш йўлидан бориши ёки Ямални қўллаб, унинг эркинлигини сақлаб қолиши керак. Бироқ раҳбарият ҳозирча ёш истеъдодга кўпроқ эътибор қаратмоқда.
Агар Флик клубни тарк этса, бу "Барселона" учун катта йўқотишга айланиши мумкин. Клубнинг келажаги ва жамоавий муваффақияти учун ушбу масала тезроқ ҳал қилиниши лозим.
