Барселона ярим ҳимоячиси Дани Ольмо "Сельта"га қарши ўйиндан сўнг (4:2) ўз фикрларини билдирди. Каталонияликлар биринчи бўлим давомида икки бор рақибга ҳисобни тенглаштириш имконини беришди, аммо уч очко билан уйга қайтишди.
"Биз ўйин давомида, айниқса, гол урганимиздан кейин 90 дақиқа давомида диққатни жамлашни ўрганишимиз керак. Ўзимиз гол урганимиздан сўнг бир-икки дақиқа ичида гол ўтказишимизга йўл қўймаслигимиз керак.
Бу борада ишлашимиз зарур", – деди Ольмо The Touchline нашрига берган интервьюсида. "Сельта"га қарши ўйинда Роберт Левандовски хет-трик қайд этди, шунингдек, Ламин Ямал ҳам ўз ҳисобига гол ёздириб қўйди.
Ла Лига турнир жадвалида "Барселона" 12 турдан сўнг 28 очко билан иккинчи ўринни эгаллаб турибди. Биринчи ўринда эса 31 очкога эга Мадриднинг "Реал" клуби жойлашган.
