Барселона клуби вакиллари собиқ футболчиси Лионель Мессининг Камп Ноу стадионига кутилмаган ташрифи сабаб ҳайратда қолдилар. Футболчи аввалроқ стадионда тушган суратларини ижтимоий тармоқларда эълон қилган эди.
Sport.es порталидаги Барселона клубидаги манбаларга кўра, Мессининг стадионга келиши ҳақида ҳеч ким хабардор бўлмаган. Аргентиналик футболчининг пости ижтимоий тармоқлар ва янгиликлар сайтларида тез тарқалди, клуб раҳбарияти эса бу хабарни ишончсиз қабул қилди.
Мессининг стадионга қандай киргани ҳозирча номаълум бўлиб қолмоқда. Клуб ҳозирда ушбу ташрифда унга ким ёрдам берганини аниқлашга уринишмоқда.
Футболчига яқин манбалар аргентиналикнинг бу ташрифни клуб билан мувофиқлаштирмаганини ва уни ўз ташаббуси билан амалга оширганини тасдиқлади. Маълум бўлишича, Месси Камп Ноу стадионига 9-ноябр куни кечқурун келган.
У 14-ноябр куни Испания ҳудудида бўлиб ўтадиган Анголага қарши ўртоқлик ўйини учун Аргентина терма жамоасига қўшилади.
