Левандовски: "Биз яхшироқ ўйнашимиз мумкин"

"Барселона" ҳужумчиси Роберт Левандовски Ла Лига турнир жадвалидаги вазият ҳақида ўз фикрларини билдирди. Якшанба куни "кўк-анорранглилар" "Сельта"ни 4:2 ҳисобида мағлубиятга учратиб, 12-турдан сўнг Мадриднинг "Реал" клубидан уч очко орқада қолаётганини қисқартирди.

Шу куни "Реал" "Райо Вальекано" билан 0:0 ҳисобида дуранг ўйнади. "Бизнинг "Реал"дан орқада қолишимиз яна уч очкога қисқарди, бу яхши, лекин биз яхшироқ ўйнашимиз мумкин.

Ҳимояда етарлича яхши ўйнамаяпмиз. Энди хатоларимизни таҳлил қилиб, уларни тузатиш устида ишлаш вақти келди.

Терма жамоалар ўйинларидан кейин биз албатта яхшироқ ўйнаймиз", - дейди Левандовски, "Barca Universal"га берган интервьюсида. У мазкур учрашувда хет-трик қайд этган эди.

Кейинги ўйинда "Барселона" 22-ноябрь куни "Атлетик Бильбао" билан тўқнаш келади.