“Локомотив” клубининг собиқ президенти Николай Наумов Россия терма жамоасининг Перу билан бўладиган ўртоқлик учрашувида муваффақият қозонишига ишонч билдирди. Наумовнинг фикрига кўра, Россия терма жамоаси ҳозир яхши формада ва футболчилар миллий жамоа учун ўйнашдан завқланмоқда.
Бу эса натижаларга ижобий таъсир кўрсатмоқда. Унга кўра, россияликлар Перу устидан икки тўп фарқи билан ғалаба қозониши мумкин.
"Биз ғалаба қозонишимиз керак, ҳозир терма жамоамиз яхши шаклда. Гарчи бу фақат ўртоқлик учрашувлари бўлса ҳам, биз барча ўйинларда ғалаба қозонмоқдамиз. Менимча, Перу жамоасини икки тўп фарқи билан енгамиз", – деди Наумов "Матч ТВ" канали орқали.
Россия ва Перу ўртасидаги ўйин 12 ноябр куни бўлиб ўтади. Учрашув Тошкент вақти билан соат 22:00 да бошланади.
“Zamin”ни Telegram'да ўқинг!
