Юлдузли ҳужумчи Лионель Месси "ПСЖ" сафидаги фаолияти ҳақида гапирди. Аргентиналик футболчи Париж клубида 2021-2023 йилларда тўп сурган.
"Сиз Барселонада бахтли бўлганингизни тез-тез айтасиз, лекин Парижда эса унчалик эмас…" "Ҳа, Парижда ҳаммаси ёмон бўлгандек туюлади, лекин бу унчалик тўғри эмас. Мен қийин бўлганини айтганимда, футбол ўйнаш, машғулотлар ёки ўйинларда ўзимни қулай ҳис қилмаганлигимни назарда тутганман.
Шунчаки, ўз ишимдан завқ олмаганман. Аммо оилавий жиҳатдан ажойиб вақт ўтказдик – шаҳар жуда чиройли, ундан завқландик.
Барселонадан биринчи марта кетганимиз учун ҳаммаси янгилик эди, шунинг учун қийин бўлди. Бу жароҳатлар билан эмас, балки ички ҳиссиётлар билан боғлиқ эди.
Бу ерда, Майамида, ҳаммаси бошқача. Ҳаётимиз осойишта: клуб яқин, болаларнинг мактаби яқин, ҳаммаси қулай.
Шаҳар ажойиб, лекин ҳа, трафик жуда ёмон (кулади)" – деди Месси Sport.es нашрига. Месси "ПСЖ" сафида жами 75 та ўйин ўтказиб, 32 та гол ва 35 та самарали узатмага муаллифлик қилган.
