Англия терма жамоаси бош мураббийи Томас Тухел ярим ҳимоячи Жуд Беллингемнинг жамоага қайтиши ҳақида фикр билдирди. Беллингем сўнгги марта июн ойида Англия терма жамоаси сафида ўйнаган эди.
Сентябр ойида у елкасини операция қилдирганидан сўнг тайёр эмас эди, октябр ойида эса "Реал" ярим ҳимоячиси Тухелнинг қарори билан чақирилмаган эди. "Мен хурсандман, Беллингем қайтди.
У энди 'ўнинчи рақам' ролида ҳаракат қилмоқда. Ўйлашимча, бу унинг энг яхши позицияси.
Унинг энг кучли томонларидан бири – бу позициядан гол уриш қобилиятидир. У 'тўққизинчи рақам' каби нафақат гол уради, балки голли паслар ҳам беради.
Бу 'ўнинчи рақам' учун ноодатий ҳолат. Бу осон туюлиши мумкин, лекин керакли пайтда керакли жойни эгаллаш қийин", – деди Тухел Daily Express нашрига берган интервьюсида.
Англия терма жамоаси 2026 йилги Жаҳон чемпионатига аллақачон йўлланма олган. Тухел жамоаси саралаш турнирининг қолган икки учрашувида 13-ноябрь куни Сербия ва 16-ноябрь куни Албания билан тўқнаш келади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
