Барселона дарвозабони Жоан Гарсия клуб афсонаси Лионель Мессининг яқинда Камп Ноуга кутилмаган ташрифи ҳақида ўз фикрларини билдирди. Аргентиналик футболчининг ушбу сафари нафақат мухлисларни, балки каталониялик жамоа вакилларини ҳам ҳайратга солди.
"Ҳеч ким Мессининг янгиланган Камп Ноуга ташриф буюришини кутмаган эди, аммо у буни ажойиб тарзда амалга оширди. Биз бу ҳақида кийиниш хонасида гаплашдик, лекин бунга катта аҳамият бермадик.
Умид қиламанки, бир кун келиб у клубга қайтади, мен у билан бирга ўйнашни жуда истардим. Аммо бу қанчалик ҳақиқатга яқинлигини билмайман", – деди Гарсия Managing Barca нашрига берган интервьюсида.
Эслатиб ўтамиз, Лионель Месси 2021 йилда Барселонани тарк этган эди. Ҳозирда 38 ёшли ҳужумчи Интер Майами сафида фаолиятини давом эттирмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
