"Арсенал", "Ливерпул" ва "Ювентус" Витинияга қизиқмоқда

Бир нечта йирик клублар ПСЖ ярим ҳимоячиси Витинияни ўз радарида ушлаб турибди. Transfer News Live манбасига кўра, 25 ёшли португалиялик футболчига "Арсенал", "Ливерпул" ва "Ювентус" қизиқиш билдирмоқда.

Мазкур трансфер катта маблағ талаб қилади, чунки ПСЖ Витинияни 130 миллион еврога баҳоламоқда. Витиния ПСЖ таркибига 2022 йилнинг ёзида қўшилган бўлиб, шу вақтга қадар 169 ўйинда майдонга тушди.

У ушбу ўйинларда 21 та гол урган ва 22 та голли узатмани амалга оширган. ПСЖ ҳозирда Франция чемпионатида етакчилик қилмоқда ва 12 турдан кейин 27 очко тўплаган.