Футбол бўйича эксперт Валерий Масалитин "Евро-Футбол. Ру" интернет нашрига берган эксклюзив интервьюсида Перу терма жамоаси билан ўйинда қайд этилган дуранг натижа ҳақида ўз фикрларини билдирди.
- Дуранг сиз учун хафа қилувчи натижами?
- Ҳа. Бундай ўйин ва рақибга қарши шароитда бу натижа ачинарли. Биринчи таймда бизнинг жамоамиз яхши ҳаракат қилди, тўпни назорат қилди.
Фақат ярим ҳимоячилар ва ҳужумчилардан ҳужумдаги кескинлик етишмади. Рақибнинг хатосини пайқадик ва бу яхши. Демак, улар хато қилишини кутган, Миранчук ва Головин эса тез ҳаракат қилди.
- Иккинчи тайм ҳақида нима дейсиз?
- Биз ташаббусни ўзимиздан чиқариб юбордик, қарши ҳужумлар билан ўйнашга қарор қилдик. Айрим қарши ҳужумларимиз муваффақиятли якунланди. Сергеев гол уриши мумкин эди, агар совуққонроқ бўлганида. Кейин эса кутилмаган зарба ва жавоб гол келди.
- Сафоновнинг ўтказиб юборган голи унинг хатоси эди деб ўйлайсизми?
- Сафоновда мувозанат билан боғлиқ муаммо юзага келди. Оёқлари сирпаниб кетди. У сакрамасдан йиқилиб қолди. Албатта, бунда унинг ҳам айби бор. Тажрибали ўйинчи сифатида, об-ҳаво шароитини ҳисобга олиб, мос пойабзал ёки найчаларни танлаши керак эди.
Умуман олганда, иккинчи тайм менга кўнгилсизлик қолдирди. Перуликлар устунликни қўлга олди, кичик ва ўрта паслар билан ўйинга киришди, ўзларига ишонч пайдо бўлди.
Кейин эса ҳеч кутилмаганда гол уришди. Бу биз учун аччиқ тажриба, аммо бундай ўйинларни ҳам бошдан кечириш керак. Яхшиёмки, бу ўртоқлик учрашув эди.
- Ўйинда кўп сариқ карточкалар кўрсатилди. Нега ўйин шунчалик қўпол бўлди?
- Бу ҳиссиётларнинг ортиқлигидан. Футболчилар ўзларини кўрсатишга ҳаракат қилишди.
- Рақиб ҳақида қандай фикрдасиз?
- Иккинчи таймда меҳмонларга нафас олиш ва ўз ўйинларини кўрсатиш имконини бердик. Агар ўйинни биринчи бўлимдаги суръатда давом эттирганимизда, уларда имконият бўлмас эди.
- Чили билан бўладиган ўйиндан нималарни кутяпсиз? Бу жамоа қандай даражада?
- Менимча, чилиликлар Перу билан бир хил даражада. Улар саралаш босқичида ҳам бир-бирига яқин ўринларни эгаллашган.
Меҳмон гуруҳидаги фойдаланувчилар ушбу мақолага изоҳ қолдира олмайди.
