Мбаппе 400-голини Роналдудан тез урди

Мадриднинг "Реал" клуби ва Франция терма жамоаси ҳужумчиси Килиан Мбаппе ўзининг фаолиятидаги 400-голини нишонлади. 26 ёшли футболчи ушбу натижага ЖЧ-2026 саралаш босқичидаги Украина терма жамоасига қарши ўйинда дубл қайд этиб эришди.

Мбаппе бу маррага бор-йўғи 535 ўйинда етди. Бу кўрсаткич Криштиану Роналду (653 ўйин), Роберт Левандовски (643 ўйин) ва Гарри Кейн (631 ўйин) натижаларидан яхшироқ, бироқ Лионель Месси (525 ўйин) натижасидан бироз орқада.

Килиан Мбаппе Франция терма жамоасида 2017 йилда дебют қилган бўлиб, шу кунгача 94 ўйинда 55 та гол урган. Клуб даражасида эса Мбаппе "Монако" ва "ПСЖ" клубларида тўп суриб, сўнгра Мадридга кўчиб ўтган.

Sardor Ergashev

«ZAMIN.UZ» муҳаррири