Бразилия терма жамоаси бош мураббийи Карло Анчелотти ўз жамоаси ва унинг 2026 йилдаги Жаҳон чемпионатидаги имкониятлари ҳақида фикр билдирди.
"Жамоамиз жуда яхши. Бизда юқори даражадаги тажрибали футболчилар ва сифатли ёш авлод бор. Бизни ажойиб эҳтирос ўраб турибди.
Биздан Жаҳон чемпионатини ютиш талаб қилинмоқда ва биз бу мақсадга эришишга ҳаракат қиламиз. Бразилия учун бу қурғоқчилик жуда узоқ давом этмоқда, бразилияликлар ҳақли равишда олтинчи Жаҳон кубогини хоҳламоқда.
Кўпчилик фикрича, бразилиялик мухлислар чиройли футболни яхши кўради ва бу асосий мезон ҳисобланади. Аммо бу ҳақиқат эмас. Бразилияликлар учун энг муҳими, терма жамоа Жаҳон чемпионатида ғалаба қозониши. Тўғри, сифатли ўйин билан турнирни охиригача муваффақиятли ўтказиш имконияти юқори бўлади.
Аммо 1994 ва 2002-йилларда Бразилияда буюк ҳужумчилар бор эди, лекин улар ғалабаларга жуда ишончли ҳимоя туфайли эришган", – деди Анчелотти La Gazzetta dello Sport нашрига.
Эслатиб ўтамиз, Бразилия терма жамоаси охирги марта Жаҳон чемпионати ғолиблигини 2002 йилда қўлга киритган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
