Хорватия миллий терма жамоаси бош мураббийи Златко Далич Фарер ороллари билан бўладиган Жаҳон чемпионати саралаш ўйини ҳақида фикр билдирди. Ўйин 14-ноябрь куни кеч соат 22:45 да бошланади (Москва вақти билан).
"Биз доимо рақибга ҳурмат билан ёндашишга одатланганмиз ва Фарер ороллари бундан мустасно эмас, айниқса, уларнинг Чехия ва Черногорияни мағлубиятга учратган тарихий натижаларидан сўнг. Бизга ўз уйимизда ҳам муаммо туғдиришган, шунинг учун уларни енгил рақиб деб ҳисобламаймиз.
Бизнинг мақсадимиз – Жаҳон чемпионатидаги иштирокни таъминлаш ва саралаш тарихимизда энг яхши натижага эришишдир. Ўйин қийин бўлади, аммо ғалабага интиламиз", деди Далич Хорватия Футбол Федерациясининг расмий сайтига берган интервьюсида.
Фарер ороллари плей-офф босқичига чиқиш имкониятларини сақлаб қолмоқда. Хорватияда 6 ўйинда 16 очко, Чехияда 7 ўйинда 13 очко, Фарер оролларида эса айнан шу сонли ўйинларда 12 очко бор.
Меҳмон гуруҳидаги фойдаланувчилар ушбу мақолага изоҳ қолдира олмайди.
