Нидерландия терма жамоаси ярим ҳимоячиси Френки де Йонг Польша билан бўлган 1:1 ҳисобидаги дуранг ўйиндан кейин интервью берди. Ушбу дуранг "апельсинлар"га деярли 100% Жаҳон чемпионатига йўлланма олиш имконини тақдим этди.
Бироқ, "Барселона" футболчиси ўз жамоасининг ўйинидан қониқмаганини билдирди. "Нега Финляндияга қарши жуда яхши ўйнадик, лекин бугун ёмон ҳаракат қилдик, билмайман.
Польшанинг паст ҳимоя блоги бунга сабаб бўлди, деб ўйлайман. Биз майдонда бир-биримиздан жуда узоқда жойлашдик, ўйинда секин ҳаракат қилдик ва тўғри комбинацияларни амалга оширмадик", – деди де Йонг ўйиндан кейинги интервьюсида.
Жаҳон чемпионати саралашининг сўнгги турида Нидерландия Литвага қарши ўйнайди. Роналд Куман бошчилигидаги жамоа гуруҳда пешқадам бўлиб, Польшадан уч очкога олдинда.
Голлар фарқи бўйича эса улар польшаликлар учун етиб бўлмас даражада.
Меҳмон гуруҳидаги фойдаланувчилар ушбу мақолага изоҳ қолдира олмайди.
