Куман Нидерландия терма жамоаси муаммоларини очиқлади
Нидерландия терма жамоаси бош мураббийи Роналд Куман Полша билан 1:1 ҳисобида якунланган ўйиндан сўнг жамоасининг ҳимоядаги муаммоларини танқид қилди. У айрим футболчилар ўз вазифаларини бажармаётганини ва ҳимоядаги беш футболчи икки ҳужумчини хавфли зоналарда эркин қолдирмаслиги кераклигини айтди. Нидерландия мағлубиятдан Мемфис Депайнинг 47-дақиқада киритган голи эвазига қутулиб қолди.
Нидерландия терма жамоаси бош мураббийи Роналд Куман Польша билан 1:1 ҳисобида якунланган ўйиндан сўнг интервью берди. "Тўқ сариқ ранглилар" мағлубиятдан Мемфис Депайнинг 47-дақиқада киритган голи туфайли қутулиб қолди.
"Биз баъзи вазиятларда кўпроқ сабрли бўлишимиз ва ҳимояни яхшилашимиз керак. Польшанинг кўп имкониятлари бўлмаган, аммо улар иккита аниқ голли вазият яратишди, биз эса бундай имкониятларга эга бўлмадик.
Айрим футболчилар ўз вазифаларини бажармаяпти. Ҳимоядаги беш футболчи икки ҳужумчини хавфли зоналарда эркин қолдирмаслиги керак. Бу мутлақо номақбул ҳолат", – деди Куман The Touchline нашрига берган интервьюсида.
Нидерландия терма жамоаси ЖЧ-2026 йўлланмасини деярли қўлга киритди. Польша уч очкога орқада қолмоқда ва тўплар фарқи бўйича ҳам жиддий орқада.
Изоҳлар 0
…