Барселона Эрик Гарсия билан шартномани узайтирмоқчи

Каталониянинг "Барселона" клуби ҳимоячи Эрик Гарсиянинг вакиллари билан музокараларни бошлади. Маълум қилинишича, "кўк-анорранглилар" 24 ёшли футболчи билан ҳамкорликни давом эттириш ниятида.

Бу ҳақда Mundo Deportivo нашри хабар бермоқда. Манбаларнинг маълумотига кўра, клуб Гарсия билан янги шартномани 2025-йил охиригача расмийлаштиришни режалаштирмоқда.

Шартнома муддати тўрт ёки беш йилга узайтирилади. Ҳимоячи эса "Барселона"да қолишга тайёр.

Эрик Гарсия 2021-йил ёзидан буён "Барселона" сафида ўйнаб келмоқда. Унинг трансфер қиймати 25 миллион евроға баҳоланмоқда.

Жорий Испания Ла Лига мавсумида Гарсия 12 та ўйинда майдонга тушиб, 1 та гол уришга эришган.