Англия терма жамоаси жаҳон чемпионати саралаш босқичини муаммосиз якунлади ва барча саккизта ўйинда ғалаба қозонди. Якуний турда Томас Тухел бошчилигидаги жамоа сафарда Албанияни Гарри Кейннинг дублидан сўнг 2:0 ҳисобига мағлуб этди.
Опта статистикаларига кўра, англияликлар Европа терма жамоалари орасида ҳеч қандай очко йўқотмасдан ва гол ўтказмасдан саралашни якунлаган иккинчи жамоага айланди. Улар бунга 1954-йилги жаҳон чемпионати саралашида тўртта ўйин ўтказган Югославия терма жамоасидан кейин эришди.
Англия терма жамоасининг ушбу саралаш кампаниясидаги умумий тўплар фарқи 22:0 ни ташкил этди. "Уч шер" Албанияни 10 очкога ортда қолдирган ҳолда биринчи ўринни эгаллади.
2026-йилги жаҳон чемпионати АҚШ, Канада ва Мексикада бўлиб ўтади ва июндан июлгача давом этади.
Меҳмон гуруҳидаги фойдаланувчилар ушбу мақолага изоҳ қолдира олмайди.
