Сербия терма жамоаси бош мураббийи Велько Паунович Латвия билан бўлиб ўтган Жаҳон чемпионати саралаш босқичининг сўнгги ўйини бўйича фикр билдирди. Мазкур учрашувда серблар 2:1 ҳисобига ғалаба қозонди.
Дастлаб биринчи бўлимда гол ўтказиб юборган мезбонлар, иккинчи бўлимда иккита гол уриб, ғалаба қозонишди. "Албатта, бу жуда ёқимли.
Ғалабалар ҳар доим ажойиб, кимга қарши ўйнашдан қатъи назар. Аммо ғалабага қандай эришилганини ҳам унутмаслик керак.
Ўйлайманки, биринчи бўлимда таркибни нотўғри танлаганим хато бўлди, чунки айрим футболчилар Англияга қарши ўйинда қатнашишган эди", - деди мураббий Сербия футбол иттифоқининг расмий сайтига берган интервьюсида. "Енгил чарчоқ ва жароҳатлар рақибга қарши ўйинни мураккаблаштирди.
Улар ўз имкониятларидан унумли фойдаланди. Аммо танаффусдан сўнг майдонга тушган футболчиларнинг реакцияси ажойиб бўлди." Сербия терма жамоаси гуруҳда 13 очко билан учинчи ўринни эгаллади.
Албания 14 очко билан иккинчи, Англия эса 24 очко билан биринчи ўринда бўлди. Латвия 5 очко тўплаган бўлса, Андорра ҳисобида атиги 1 очко бор.
Меҳмон гуруҳидаги фойдаланувчилар ушбу мақолага изоҳ қолдира олмайди.
