Виктор Фонт, 2026 йилда "Барселона" президенти лавозими учун курашадиган номзод, Лионел Месси борасида ваъда берди. Фонт сайловларда ғолиб чиққан тақдирда, афсонавий футболчига қўнғироқ қилишини айтди.
"Мессининг қайтиши? Бу ҳақда ўйлашнинг ўзи менга ҳаяжон беради. Албатта, барчаси унинг қарорига боғлиқ. Биз Мессини фойдаланиш воситаси сифатида кўрмаслигимиз керак.
Афсуски, Лапорта буни бир неча бор нотўғри йўлда қилган деб ўйлайман. Месси бу ҳақида хабардор бўлиши лозим: мен сайловларда ғалаба қозонган заҳотиёқ унга қўнғироқ қиламан.
Бу менинг биринчи қўнғироғим бўлади. Клуб келажагига ҳисса қўшадиган ҳар бир киши билан мулоқот қилиш бизнинг бурчимиздир", деди Фонт Mundo Deportivo нашрига берган интервьюсида.
Эслатиб ўтамиз, Лионел Месси 2021 йилда "Барселона"ни тарк этган эди. Каталониялик клуб молиявий муаммолар сабабли аргентиналик юлдуз билан шартномани узайтира олмаган.
Меҳмон гуруҳидаги фойдаланувчилар ушбу мақолага изоҳ қолдира олмайди.
