Собиқ машҳур футболчи Лотар Маттеус Германия терма жамоасининг жаҳон чемпионатидаги имкониятлари ҳақида ўз фикрларини билдирди. Юлиан Нагельсманн бошчилигидаги жамоа яқинда Словакияни Лейпцигда 6:0 ҳисобида мағлуб этиб, мундиал йўлланмасини қўлга киритди.
Маттеус ўз мақоласида шундай ёзади: "Рақибларга бўлган барча ҳурматим билан айтаман, Германия энг кучли жамоалар билан, масалан, Англия, Португалия ёки Франция каби гуруҳ ғолиблари билан беллашишни истайди. Агар биз Лейпцигдаги ўйиндаги каби ўйинни такрорлай олсак, мазкур жамоаларга тенг рақиб бўламиз.
Бу ёзда буни кўрдик. Миллатлар лигасида Португалия ва Францияга қарши ўйинлардаги мағлубиятларда ҳам Германия рақибларидан ёмонроқ эмас эди.
Агар Германия терма жамоаси Словакияга қарши ўйиндаги фидойилик, иштиёқ ва жамоавий бирликни яна бир бор намойиш этса, уларга ҳеч нарсадан қўрқишга ҳожат йўқ. Ўзини паст баҳолаш керак эмас.
Германия кичик жамоа эмас. Мен ҳар доим айтиб келганман, Германия ҳатто ёмон формада бўлса ҳам, жаҳон чемпионатининг фаворитларидан бири бўлиб қолади".
Эслатиб ўтамиз, Германия терма жамоаси сўнгги икки жаҳон чемпионатида гуруҳ босқичидан чиқишни уддалай олмаган эди. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
