“Интер Майами” жамоасининг чап қанот ҳимоячиси Жорди Алба “Барселона” рухсатисиз “Камп Ноу”га ташриф буюриш нияти йўқлигини маълум қилди. Яқинда Лионель Месси кутилмаганда “кўк-анорранглилар” стадионида пайдо бўлиб, ҳатто клуб ходимларини, жумладан, президент Жоан Лапортани ҳам ҳайратда қолдирди.
Албанинг сўзларига кўра, у бундай ҳаракат қилмайди. “Мен “Камп Ноу”га сурат олиш учун кириб бормоқчи эмасман”, – дейди Алба кулимсираб, Barca Universal нашрига берган интервьюсида.
“Ҳаммамиз стадионга кириш ҳуқуқига эгамиз, айниқса, “Барселона”да кўплаб йилларни ўтказганлар. Аммо Месси у ерда суратга тушмоқчи эканини билмаган эдим”, – деди 36 ёшли испаниялик футболчи.
Эслатиб ўтамиз, Жорди Алба 2012 йилдан 2023 йилгача “Барселона” сафида тўп сурган. Жорий йил охирида у профессионал футболчилик фаолиятини якунлашини эълон қилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
