«Интер Майами» клубининг чап қанот ҳимоячиси Жорди Альба «Барселона» ҳужумчиси Ламин Ямал ҳақида ўз фикрларини билдириб ўтди. Испаниялик журналистлар тажрибали ҳимоячидан 18 ёшли каталонияликлар юлдузининг клуб афсонаси Лионель Месси билан солиштирилишига муносабатини сўрашди.
Альба ёш футболчининг иқтидорини юқори баҳолади, аммо бундай таққослаш ўринсиз эканини таъкидлади. Унинг сўзларига кўра:
Ямал – ҳақиқатан ҳам ажойиб футболчи, Аммо «Барселона»да Френки де Йонг ва Педри каби бошқа кучли ўйинчилар ҳам бор, Ламинни Месси билан қиёслашнинг имкони йўқ.
«Менимча, Леонинг рақобатчиси йўқ», – дея Альбанинг сўзларини келтиради «Barca Universal» нашри.
Маълумот учун, Жорди Альба 2012 йилдан 2023 йилгача «Барселона» шарафини ҳимоя қилган. Ҳозирда у «Интер Майами» сафида Лионель Месси билан бирга тўп сурмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
