2026 йилги футбол бўйича Жаҳон чемпионати йўлланмалари учун ўтказиладиган қитъалараро плей-офф ўйинлари қуръаси бўлиб ўтди. Ушбу ўйинларда яна икки йўлланма ўйналади.
ДР Конго ва Ироқ миллий терма жамоалари юқори рейтингга эга бўлгани сабабли тўғридан-тўғри финал босқичига йўл олишди. Қуръа натижаларига кўра, қуйидаги жуфтликлар шаклланди:
Биринчи ярим финал: Янги Каледония – Ямайка
Биринчи финал: Ярим финал ғолиби – ДР Конго
Иккинчи ярим финал: Боливия – Суринам
Иккинчи финал: Ярим финал ғолиби – Ироқ
Барча ўйинлар март ойининг охирида Мексикада, нейтрал майдонда бўлиб ўтади.
2026 йилги футбол бўйича Жаҳон чемпионати АҚШ, Канада ва Мексика мезбонлигида ўтказилади. Ҳозиргача 42 та жамоа турнирга йўлланма олган.
Яна икки жамоа қитъалараро плей-оффдан ўтади, тўрт йўлланма эса УЕФА ҳудудидаги плей-офф ўйинлари орқали аниқланади.
Меҳмон гуруҳидаги фойдаланувчилар ушбу мақолага изоҳ қолдира олмайди.
