Албания миллий терма жамоаси бош мураббийи Силвиньо Жаҳон чемпионати плей-офф босқичи қуръаси якунларига кўра ўз фикрларини билдирди. Унинг шогирдлари ярим финалда Польша терма жамоаси билан март ойида сафарда тўқнаш келади.
"Аввало, айтишим керак, бу ерда бўлиш ҳуқуқини ҳақли равишда қўлга киритдик. Футбол бу 90 дақиқа давомида ҳамма нарса бўлиши мумкин бўлган ўйин.
Биз рақиб жамоани яхши биламиз, улар ҳам бизни яхши билади. Ўйинга тайёргарлик кўрмоқдамиз ва олдинга интилмоқдамиз", деди мураббий Албания футбол федерациясининг расмий сайтига берган интервьюсида.
"Украина ёки Швецияга қарши бўлиши мумкин бўлган финал ҳақида? Бу жамоалар кучли, аввало Польша, лекин бошқа икки рақиб ҳам кучли жамоалар.
Биз Украинани Миллатлар лигаси орқали яхши биламиз, Швеция билан эса ўртоқлик учрашуви ўтказганмиз. Улар кучли футболчиларига эга жамоалар".
Саралаш гуруҳида Албания Сербия, Латвия ва Андоррадан устун келди, бироқ Англия терма жамоасига қарши ҳеч қандай натижа кўрсата олмади.
Меҳмон гуруҳидаги фойдаланувчилар ушбу мақолага изоҳ қолдира олмайди.
