Манчестер Сити бош мураббийи Хосеп Гвардиола Норвегия терма жамоаси ва уларнинг ҳужумчиси Эрлинг Холанднинг жаҳон чемпионатига чиқиши борасидаги муваффақиятларини юқори баҳолади. Ноябрь ойида Холанд Эстония ва Италия терма жамоаларига қарши ўйинларда дубль қайд этиб, Норвегияга 1998 йилдан буён илк бор жаҳон чемпионатига йўл олишга ёрдам берди.
"Холанд бу мавсумда ажойиб ўйин кўрсатмоқда. У барча рекордларни янгилаб, Англия Премьер-лигасида ҳам, Норвегия терма жамоасида ҳам ўз муваффақиятларини давом эттирмоқда.
Мен унинг ва Норвегия терма жамоаси учун жуда хурсандман. Норвегия терма жамоасининг аксарият футболчилари охирги марта уларнинг мамлакати жаҳон чемпионатида қатнашганида туғилмаган эди.
Улар саралаш босқичини аъло даражада ўтказишди, кўп гол уришди ва жуда яхши ўйин намойиш этишди. Холанд – дунё даражасидаги футболчи ва у жаҳон чемпионатида ўйнашга лойиқ.
У идеал ёшда. Мен унинг учун чин дилдан хурсандман", – деди Гвардиола матбуот анжуманида.
2026 йилги жаҳон чемпионати АҚШ, Канада ва Мексика мезбонлигида бўлиб ўтади. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
