Ламин Ямал ноябрь ойида Испания терма жамоасига қўшилмади. Футболчи қовурға соҳасидаги давомий муаммони бартараф этиш учун "Барселона"да қолди ва тикланиш жараёнини давом эттирди.
Ушбу қарор Испания футбол федерацияси томонидан норозилик билан қабул қилинди. "Барселона" бош мураббийи Ханс-Дитер Флик эса яна бу масала бўйича ўз фикрини билдирди.
"Федерациянинг норозилик баёноти ҳақида нима дея оласиз?" деган саволга у шундай жавоб берди: "Бу бизнинг қароримиз эди, ва бу масала шу билан ёпилди. Ламин бизнинг футболчимиз ва биз унинг соғлиғини биринчи ўринга қўямиз.
У терма жамоага бормаслик ва "Барселона"да қолиш қарорида сўнг ўзини жуда яхши кўрсатди." Фликтан, "Бу масалани юқори даражада ҳал қилиш керакми ёки мураббийлар ўзаро гаплашиши лозимми?" деб сўрашди. У эса қуйидагича жавоб берди: "Ҳозир биз келгуси тўрт ҳафта ичида ўтказиладиган тўққизта ўйинга диққатни қаратганмиз.
Бу бизнинг вазифамиз. Атрофимиздаги шовқин ҳақида ташвишланмоқчи эмасман.
Ламиннинг биз билан бирга машғулотларда бўлиши мени хурсанд қилади."
Меҳмон гуруҳидаги фойдаланувчилар ушбу мақолага изоҳ қолдира олмайди.
