Ньюкасл бош мураббийи Эдии Хау АПЛнинг 12-турида "Манчестер Сити"га қарши ўйин олдидан матбуот анжуманида иштирок этди. Учрашув 22-ноябрь куни Москва вақти билан 20:30 да бошланади.
Мураббий ўз сўзларида бир қатор муҳим масалаларга тўхталиб ўтди. Хау вингер Энтони Гордон халқаро танаффус вақтида астойдил меҳнат қилганини ва жисмоний ҳолати тўлиқ тикланишга яқин эканлигини маълум қилди.
Футболчининг ўйинда иштирок этиш-қилмаслиги эса сўнгги дақиқаларда ҳал қилинади. Шунингдек, ярим ҳимоячи Сандро Тоналининг Италия термасини тарк этганидан кейин жисмоний ҳолати яхши эканлиги тасдиқланди.
Тино Ливраменто ҳам тез орада сафга қайтиши кутилмоқда. Хау "Манчестер Сити" ҳужумчиси Эрлинг Холанд ҳақида ҳам фикр билдирди: "Уларнинг хавфи турли йўналишлардан келади, шунинг учун фақат битта футболчига эътибор қаратиш нотўғри бўлади.
Аммо, шубҳасиз, Холанд ажойиб тўпурар." Мураббий, шунингдек, халқаро танаффус давомида амалга оширилган ишлар натижасида келажакдан катта умид кутаётганини қўшимча қилди: "Мен шунчаки доимо юқори даражада ўйнашимизни кўришни хоҳлайман." АПЛ турнир жадвалига кўра, "Манчестер Сити" 22 очко билан иккинчи ўринда бормоқда, "Ньюкасл" эса 12 очко билан 14-ўринда жойлашган.
Меҳмон гуруҳидаги фойдаланувчилар ушбу мақолага изоҳ қолдира олмайди.
