«Ливерпул»нинг «Ноттингҳэм Форест»га қарши 0:3 ҳисобидаги оғир мағлубиятидан сўнг Арне Слот матбуот билан мулоқот қилиб, майдонда нима содир бўлганини батафсил тушунтириб ўтди. Унга кўра, жамоа ўйинни яхши бошлаган, аммо кейин темпни ушлаб қолиш мумкин бўлмаган.
Слотнинг айтишича, дастлабки 30 дақиқа давомида ўйин режаси ишлаган — футболчилар олдинга босим билан ўтди, имкониятлар яратди ва рақибни қийин аҳволга солди. Бироқ бир пайтдан кейин вазият бутунлай ўзгариб кетган.
Слот этироф этганидек, жамоа иккинчи бўлимда ҳужумда жиддий муаммоларга дуч келган. Улар комбинацияларни якунлашда, тезликни оширишда ва рақиб жарима майдонига кириб боришда қийналган. Шу боис таркибда бир нечта тактик ўзгаришлар қилинган, аммо улар кутилган самарани бермаган.
Шу билан бирга, Слот футболчиларнинг интилишини алоҳида қайд этди. Унга кўра, жамоа гол уриш имкони қолмагунча ҳаракатни давом эттирган ва кучини аямаган. У ўйиндаги камчиликлар борлигини тан олди, аммо футболчиларнинг характерини танқид қилмади.
Мураббий фикрича, бундай мағлубиятлар орқали жамоа янада кучли бўлиб қайтиши мумкин. У навбатдаги турларга тайёргарлик жараёнида айни шу ўйиндаги хато ва камчиликлар устида ишланишини таъкидлади.
Слот сўзларига кўра, жамоа барқарор ўйин намойиш этиш йўлида ҳаракатни давом эттиради ва бу мағлубият «Ливерпул»нинг катта мақсадларига таъсир қилмаслиги керак.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
