Роберт Левандовскининг янги биографияси футбол оламида шов-шувга сабаб бўлди. Унда ўзининг профессионал фаолиятида ўн беш йил давомида эшитмаган ғаройиб воқеа ҳақида сўз боради.
2023 йил баҳорида "Барселона" раҳбарияти машғулотдан сўнг польшалик ҳужумчини чақириб, унга қуйидаги сўзларни айтган: "Биз истаймизки, сен сўнгги ўйинларда гол уришни тўхтат." Бу талабнинг сабаби жуда оддий эди: Левандовскининг "Бавария" билан тузилган шартномасида 25 та гол урган тақдирда унга 2,5 миллион евро бонус тўланиши кўрсатилган эди. Ўша пайтда Левандовскининг ҳисобида 23 та гол бор эди, жамоа аллақачон чемпионликни қўлга киритган, ва у деярли Ла Лигадаги энг яхши тўпурар унвонини ҳам қўлга киритаётган эди.
Аммо "Барселона"нинг молиявий қийинчиликлари туфайли, улар ҳужумчига гол урмасликни илтимос қилишди. Левандовски, биография муаллифи Себастян Шташевскийнинг сўзлари бўйича, бу талабдан шокка тушган.
Чунки у ўз фаолиятини гол уриш, майдонда ўз инстинктлари билан ўйнаш орқали қуриб келган эди. "Барселона" молиявий инқироз ичида бўлиб, умумий қарзи 1,3 миллиард евродан ошган.
Ҳозирги кунда ҳам каталонияликлар Левандовски трансфери учун "Бавария"га 20 миллион евро қарздор. Бу воқеа "Барселона"нинг ҳозирги иқтисодий ҳолатини очиб беради: улкан тарихга эга клуб, лекин ўз юлдуз ҳужумчисининг асосий вазифасидан воз кечишига мажбур.
Левандовски яқинда ўтказилган матбуот анжуманида биографиясини ўқиятаганини ва ундан завқланаётганини маълум қилди. Аммо бу эпизод унга қандай ҳиссиёт уйғотаётганини тасаввур қилиш қийин: ғурур ёки афсус?
Инсайдер Фабрицио Романо хабар беришича, Левандовски "Барселона"ни қишки трансфер ойнасида тарк этмоқчи эмас ва келажак ғалабаларга эътибор қаратмоқда. Унинг шартномаси 2026 йилда тугайди, ва эҳтимол, бу ҳам яхшиликка.
Чунки жамоадан гол урмасликни сўраш каби талаблар ҳар қандай футболчи учун зарарли муҳит яратиши мумкин.
Меҳмон гуруҳидаги фойдаланувчилар ушбу мақолага изоҳ қолдира олмайди.
