Чикагода Matador Fighter Challenge мусобақаси давомида 31 ёшли жангчи Исаак Жонсон жанг охирида тасодифан ерга қулаб тушиб, бир неча соат ўтиб шифохонада вафот этди. NBC Chicago маълумотларига кўра, ҳодиса 21 ноябрь куни “Сисеро” стадионида содир бўлган.
Жонсон жароҳат олганидa соат 20:38 да тез ёрдам чақирилган, аммо шифокорлар ҳаракатлари самара бермаган — жангчи соат 12:01 да ҳаётдан кўз юмган. Тиббий экспертиза ўлим сабабини аниқлаш учун отопсия тайинлаган, полиция эса расмий терговни бошлади.
Промоутер ташкилоти Facebook’да қилган баёнотида воқеани “ҳеч қачон ёзишни истамаган хабар” деб атади ва жангчининг оиласи ҳамда яқинларига чуқур таъзия билдирди.
Чикаго MMA ва жиу-житсу мактаблари билан машҳур, Белал Муҳаммад каби жангчилар шу ердан чиққан. Жонсоннинг ўлими маҳаллий спорт жамоаси учун катта йўқотиш бўлди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
