Челси дарвозабони Роберт Санчес Чемпионлар Лигаси доирасида ўтказилган Челси ва Барселона ўртасидаги учрашув ҳақида ўз фикрларини билдирди. Унда "кўклар" ўз майдонида каталонияликларни йирик ҳисобда мағлубиятга учратишди (3:0).
Ушбу ўйинда Марк Кукурелья 18 ёшли қанот ҳужумчиси Ламин Ямални тўлиқ назорат остида ушлаб, учрашувнинг энг яхши футболчиси деб топилди. Ўйиндан сўнг Лондон клуби дарвозабони ўзаро испан футболчилар дуэлига нисбатан жасоратли фикр билдирди: "Бугун Кукурелья Ямални чўнтагига солиб қўйди", – дея Роберт Санчеснинг сўзларини Фабрицио Романо келтириб ўтди.
Шунингдек, учрашувнинг 44-дақиқасида Барселона Роналд Араухонинг четлатилишидан сўнг бир футболчига кам бўлиб қолди. Уругвайлик ҳимоячи иккинчи сариқ карточка сабаб майдонни тарк этди.
Меҳмон гуруҳидаги фойдаланувчилар ушбу мақолага изоҳ қолдира олмайди.
