Норвегиянинг "Будё-Глимт" клуби бош мураббийи Кьетил Кнутсен Италия вакили "Ювентус"га қарши ўйин якунларини таҳлил қилди. Чемпионлар лигаси гуруҳ босқичининг бешинчи турида бўлиб ўтган ўйин 2:3 ҳисоби билан якунланди.
"Ўйлайманки, бу учрашувдан сабоқ олишимиз керак. Ўйинни ҳақиқатни тан олган ҳолда ва шафқатсиз баҳолашимиз лозим.
Прессингда етарли даражада яхши бўлолмадик, жамоавий ўйинимиз заиф бўлди. Дортмунднинг "Боруссия" клубига қарши сафардаги ўйинда, "Ювентус"га қарши уйда ўйнаганимизга қараганда, анча ёпиқроқ ўйнашимиз керак.
Плей-офф имкониятлари? Ўйлайманки, улар жуда кичик," – деди Кнутсен NRK нашрига.
"Будё-Глимт" ҳозирда 2 очко билан умумий рейтингда 31-ўринда бормоқда. "Ювентус" эса 6 очко билан турнир жадвалида 21-ўринни эгаллаб турибди.
Меҳмон гуруҳидаги фойдаланувчилар ушбу мақолага изоҳ қолдира олмайди.
