Португалия терма жамоаси сардори Криштиану Роналду Миллатлар Лигаси ёзги ғалабаси шарафига жамоадошларига совға тайёрлашга қарор қилди. Sic Noticias нашрининг хабарига кўра, Роналду Jacob & Co бренди билан ҳамкорликда ҳар бир португалиялик футболчи учун шахсий соатлар ишлаб чиқаришни сўраган.
Жаҳон чемпионати – 2026 саралаш босқичи доирасидаги Арманистонга қарши ўйиндан олдин Роналду ушбу соатларни жамоадошларига юборган. Шунингдек, Криштиану соатнинг бир нусхасини июль ойининг бошида автоҳалокатда ҳалок бўлган Диогу Жотанинг оиласига ҳам юборган. 
Маълум бўлишича, соатларнинг нархи 280 000 доллардан 400 000 долларгача.
Эслатиб ўтамиз, Миллатлар Лигаси финалида Португалия терма жамоаси Испанияни пенальтилар сериясида 2:2 ҳисобидаги дурангдан сўнг мағлубиятга учратган эди.
Меҳмон гуруҳидаги фойдаланувчилар ушбу мақолага изоҳ қолдира олмайди.
