«Бавария» бош мураббийи Венсан Компани Чемпионлар лигасининг 5-турида Лондоннинг «Арсенал» жамоасига қарши кечадиган муҳим беллашув олдидан ўз фикрлари билан ўртоқлашди. «Бавария» клуби бугун Эмирейтс майдонида жиддий босим остида баҳс олиб боради.
Компанига кўра, бу учрашув мавсумдаги энг мураккаб ўйинлардан бири бўлиши мумкин:
«Балким, мавсум давомидаги энг оғир беллашув бўлиши эҳтимолдан холи эмас. Яқинда турнир доирасида «ПСЖ»га қарши ўйнадик, энди эса Европанинг энг кучли ва барқарор жамоаларидан бирига қарши майдонга чиқамиз».
Мураббийнинг таъкидлашича, бу баҳс «Бавария» учун жуда муҳим руҳий ва тактик синов бўлади:
«Бизни катта чақирув кутмоқда. Меҳмон сифатида ўйнаймиз, бу ҳам ишни қийинлаштиради. Улар каби биз ҳам тўртта ўйинда ғалаба қозондик. Шу боис бу ўйин бутун турнир ғолибини аниқламайди, аммо уч очко қўлга киритиш — жуда улкан ютуқ бўларди».
«Арсенал» — «Бавария» учрашуви бугун Тошкент вақти билан соат 01:00 да старт олади. Европа футболи мухлислари ушбу тўқнашувни кутишмоқда — икки жамоа ҳам бу беллашувда ўз нуфузини исботлашга интилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
