Тоттенҳем ҳужумчиси Рандал Коло-Муани Чемпионлар лигаси доирасидаги ПСЖга қарши ўйинда ёрқин ўйин кўрсатди. Франциялик футболчи дублик қайд этиб, битта голли узатма берди.
"Шпорлар" ўйин давомида икки марта ҳисобда олдинда бўлишди, аммо барибир Парижда 3:5 ҳисоби билан мағлубиятга учрашди. "Биз хафа бўлдик, чунки ўйин жуда яхши бошланган эди.
Афсуски, устунликни ушлаб қола olmadik. "Парк де Пренс" стадионига қайтиш ёқимли бўлди, лекин футбол индивидуал спорт тури эмас, шунинг учун мағлубиятдан келиб чиқадиган салбий ҳислар устунлик қилмоқда.
Чемпионлар лигасида яхши ўйин кўрсатмоқдамиз – кўпроқ очко йиғиш учун қаттиқ ишлашда давом этишимиз керак", – деди УЕФА матбуот хизматига берган интервьюсида Коло-Муани. Эслатиб ўтамиз, ҳужумчи ҳали ҳам ПСЖ мулки ҳисобланади.
Ижара муддати амалдаги мавсум охиригача белгиланган.
Меҳмон гуруҳидаги фойдаланувчилар ушбу мақолага изоҳ қолдира олмайди.
