РБ Лейпциг ҳужумчиси Тимо Вернер ўз фаолиятини МЛСда давом эттиришни хоҳлаётгани ҳақида Bild хабар бермоқда. Манбага кўра, у Интер Майами футбол лойиҳасидан жуда таъсирланган.
Бу жамоада ҳозирда Лионель Месси ва Луис Суарес ўйнамоқда. Вернер ушбу жамоага катта қизиқиш билдираётгани ва уларга қўшилишни истаяётгани маълум қилинмоқда.
Ҳозирда Вернер 29 ёшда. У ўз клубида асосий таркибдан жой ололмаяпти ва ротация ўйинчиси ҳисобланади.
Бундеслигада у фақатгина бир марта майдонга тушиб, атиги бир дақиқа ўйнаган. Transfermarkt портали ҳозирда Вернернинг бозор қийматини атиги 5 миллион евро деб баҳоламоқда.
Сўнгги бир ярим йил давомида Вернер "Тоттенхем" сафида ижарада ўйнаган. Ёзда у "Лейпциг"га қайтиб келди.
Унинг фаолиятида "Челси"даги ўйинлари ҳам бор, шунингдек, у "Штутгарт"нинг машҳур академияси тарбияланувчиси ҳисобланади.
Меҳмон гуруҳидаги фойдаланувчилар ушбу мақолага изоҳ қолдира олмайди.
