Россиялик футбол мутахассиси Сергей Юран Туркияда фаолият олиб бориши ҳақида фикр билдирди. Собиқ "Серик Беледиеспор" бош мураббийи бўлган Юран ушбу жамоани жорий йилнинг ёзидан октябргача бошқарган эди.
"Туркияда ишлаш менга жуда ёқди, уларнинг Биринчи лигаси кучли даражада. Бу, эҳтимол, Россия Премьер-лигасининг қуйи даражасига тенг.
Туркияда терма жамоа ўйинлари учун танаффуслар ҳам бор, чунки кўплаб ўйинчилар Африка ва Болқон давлатларининг терма жамоаларида қатнашади", — деди Юран Матч ТВ телеканалига берган интервьюсида. Мутахассис Туркияда ишлашдан завқ олганини ва чекланган бюджет шароитида таркибни шакллантириш бўйича қимматли тажриба орттирганини таъкидлади.
Ҳозирда 56 ёшли Юран ҳеч бир жамоани бошқармаяпти. Бунгача у "Пари НН", "Химки", "Балтика" ва бошқа клубларда мураббийлик қилган.
Меҳмон гуруҳидаги фойдаланувчилар ушбу мақолага изоҳ қолдира олмайди.
